Azərbaycan Universitetində II qrup üzrə yeddi ixtisas tədris olunur

15.05.2019 996

Dövlət İmtahan Mərkəzi mayın 19-da II və III ixtisas qrupları üzrə qəbul imtahanı keçirəcəkdir.

Azərbaycan Universitetinin Abituriyent Məsləhət Mərkəzi qəbul imtahanında iştirak edən bütün abituriyentlərə uğurlar arzulayır!

Azərbaycan Universiteti II qrup abituriyentlərinə mühasibat uçotu və audit, maliyyə, iqtisadiyyat, menecment, marketinq, biznesin idarə edilməsi və kommersiya olmaqla yeddi ixtisas təklif edir. Bütün ixtisaslara Dövlət sifarişi ilə (pulsuz) qəbul mümkündür.

II qrup ixtisaslarına qəbul Azərbaycan və ingilis bölmələri üzrə aparılır. İngilis bölməsinə qəbul olan tələbələr üçün təhsil müddəti bir il hazırlıq olmaqla beş ildir.

II qrup abituriyentləri qəbul aparılan ixtisasların karyera perspektivləri haqqında ətraflı məlumat almaq üçün Azərbaycan Universitetinin Bakı şəhəri, Nəsimi rayonu, Ceyhun Hacıbəyli küçəsi 71 ünvanında fəaliyyət göstərən Abituriyent Məsləhət Mərkəzinə müraciət edə bilərlər. Mərkəz Dövlət İmtahan Mərkəzi ilə əldə edilmiş razılığa əsasən yaradılıb və həftənin 5 günü (şənbə, bazar və bayram günləri istisna olmaqla) saat 10.00-dan 17.00-dək ödənişsiz əsaslarla fəaliyyət göstərir.

Abituriyent və valideynlər (+99412) 431 41 12 (daxili 133) nömrəli telefonla əlaqə saxlamaqla həftənin cümə axşamı günləri saat 10.00-dan 16.00-dək “Açıq qapı” günlərində iştirak edə bilər, suallarını universitetin əməkdaşlarına, professor-müəllim heyətinə ünvanlaya bilərlər.

İctimaiyyətlə əlaqələr şöbəsi
16.05.2019