Azərbaycan dili və ədəbiyyat kafedrası bakalavriat və magistratura pillələrində

• Filologiya (Azərbaycan dili və ədəbiyyatı)
• Filologiya (Azərbaycan ədəbiyyatı)
• Filologiya (Azərbaycan dili)
• Ədəbiyyatşünaslıq (Xarici ölkə xalqlarının ədəbiyyatı, Amerika ədəbiyyatı)

ixtisasları (istiqaməti) üzrə kadrlar hazırlayır. Kafedraya filologiya elmləri namizədi, dos. Ülviyyə Rəhimova rəhbərlik edir.

Prof. Qorxmaz Quliyev, prof. Məhərrəm Qasımlı, prof. Kamran Əliyev, prof. Fərahim Sadıqov, prof. Asif Hacıyev kimi Azərbaycanın ən məşhur və görkəmli alimləri kafedranın əməkdaşıdır. Ümumilikdə isə kafedranın əməkdaşlarının sayı 18 nəfərdir. Bunlardan 5 nəfər professor, 6 nəfər isə elmlər namizədi dosentdir.  

Kafedranın əməkdaşları mütəmadi olaraq tədqiqat işlərinin nəticələri ilə bağlı yerli və beynəlxalq elmi-nəzəri və elmi-metodiki konfranslarda məruzələrlə çıxış edir, elmi-metodiki jurnallarda məqalələr çap etdirirlər.

Müvafiq ixtisaslar üzrə təhsil alan tələbələr Bakı şəhərinin orta ümumtəhsil məktəblərində və elmi-tədqiqat mərkəzlərində passiv və aktiv təcrübə keçirlər.

Kafedrada müasir çağırışlara cavab verən kadr hazırlığı ilə yanaşı görkəmli elm xadimləri, yazıçı və şairlərlə görüşlər, yubiley tədbirləri keçirilir,  prof. Qorxmaz Quliyevin rəhbərliyi ilə 15 gündə bir elmi seminarlar təşkil olunur. Kafedranın professor-müəllim heyəti ilə magistratura tələbələrinin iştirak etdiyi bu seminarlarda filologiyanın elmi-nəzəri problemlərinin müzakirəsi aparılır. Seminarlara universitet xaricindən də tədqiqatçılar cəlb edilir.

Kafedranın nəzdində aşağıdakı istiqamətlər üzrə tədbir və seminarlar təşkil olunur:

• "Ədəbiyyatın aktual problemləri” istiqamətinə professor Qorxmaz Quliyev rəhbərlik edir.
• “Folklorşünaslıq” istiqamətinə professor Məhərrəm Qasımlı rəhbərlik edir.

Azərbaycan dili və ədəbiyyat kafedrasının əməkdaşları tərəfindən ədəbiyyatşünaslıq və mədəniyyət sahəsində uğur qazanmış

• XX əsr amerikan ədəbiyyatşünaslığında aparıcı cərəyanlar (prof. Qorxmaz Quliyev), Bakı, 2011.
• XX əsr ədəbiyyatşünaslıq konsepsiyaları (prof. Qorxmaz Quliyev), 2012.
• XX əsrin görkəmli ədəbiyyatşünas alimləri (prof. Qorxmaz Quliyev, dos. Ülviyyə Rəhimova), 2014.
• Multikulturalizmin əsasları (prof. Quliyev, dos. Ülviyyə Rəhimova), Bakı, 2016.
• Çağdaş ədəbiyyatşünaslıqda təhkiyə nəzəriyyəsinin xüsusiyyətləri (dos. Ülviyyə Rəhimova), Bakı, 2016.
• Amerika ədəbiyyatı: Tarixi oçerklər (prof. Qorxmaz Quliyev), Bakı, 2016.

kimi monoqrafiyalar çap olunaraq tələbə, doktorant, dissertant, o cümlədən elmi ictimaiyyətin istifadəsinə verilmişdir.

Kafedranın heyəti

• Ülviyyə Həsaməddin qızı Rəhimova - kafedra müdiri, fil.ü.f.d. dosent
• Quliyev Qorxmaz Həsi oğlu - fil.e.d. professor
• Məmmədov Səfər Əhməd oğlu - fil.ü.f.d. dosent
• Əliyev Kamran İmran oğlu - fil.e.d. professor
• Qasımlı Məhərrəm Paşa oğlu - fil.e.d. professor
• Asif Abbas oğlu Hacıyev- fil.e.d. professor
• Fərahim Balakişi oğlu Sadıqov- ped.e.d. professor
• Əminə Qüdrət qızı İbrahimli- fil.ü.f.d. dosent
• Ülviyyə Çingiz qızı Əliyeva- fil.ü.f.d. dosent
• Lalə Həsaməddin qızı Əliquliyeva- fil.ü.f.d. dosent
• Aytən Abuzər qızı Hacıyeva- fil.ü.f.d. dosent
• Fərhad Kamal oğlu Mədətov- fil.ü.f.d. dosent
• Təranə Fərahim qızı Mövsümova- biol.ü.f.d. dosent
• Mənsurə Qardaşxan qızı İsmayılova- ped.ü.f.d. müəllim
• Ülkər Müqabil qızı İbrahimova- baş müəllim
• Xəyalə Eldar qızı Əliyeva- baş müəllim
• Hüseyn Rəfael oğlu Hüseynli- baş müəllim
• Aynur Məzahir qızı Həsənova- müəllim
• Yasəmən İmran qızı Kərimova - laborant

Kafedra tərəfindən tədris olunan fənlərin qısa təsvirini BURADAN görə bilərsiniz.