Azərbaycan Universitetinin Tələbə Gənclər Təşkilatı (TGT) 2006-cı il 6 dekabr tarixindən fəaliyyət göstərir. Təşkilat sədr və iki müavin olmaqla iyirmi bir nəfərdən ibarətdir. Təşkilatın məqsədi Universitetdə tələbələrin problemləri ilə yaxından tanış olmaq və bu problemlərlə bağlı Universitet rəhbərliyi ilə müzakirələr aparmaq, elmi-bədii tədbirlər keçirmək, tələbələrin konfranslarda iştirakını və onların asudə vaxtlarının səmərəli keçməsi üçün əyləncələr təşkil etməkdir.

Azərbaycanlı Tələbələrin İnkişafı Assosiasiyası (ATİA) 25 mart 2007 - ci ildə Azərbaycan Universitetinin Humanitar Fənnlər fakultəsinin tələbələri Rüstəm Rəhimli, Elşən Oruclu və Hüquq fakultəsinin tələbəsi Orxan Xasiyev tərəfindən təsis edilmişdir.
Assosiasiyanın əsas məqsədi Azərbaycan Universitetində təhsil alan tələbələrin ictimai aktivliyinin artırılmasında onlara yaxından kömək etmək və bu məqsədlə tələbələr və Azərbaycanda fəaliyyət göstərən Qeyri-hökumət təşkilatlar (QHT) arasında körpü rolunu oynamaqdır.
Təşkilatın prinsipial məqsədlərinə eyni zamanda Azərbaycan Universitetində təhsil alan tələbələrin xarici ölkələrdə keçirilən bu və ya digər tədbirlərdə iştirakını təmin etməkdir. ATİA haqqında ətraflı məlumatı www.atia_au.sitemynet.com/aasd/ və http://www.aasd-au.blogspot.com/ elektron ünvanlarından əldə edə bilərsiniz.