Azərbaycan Universitetinin (AU) strateji inkişaf planı

Azərbaycan Universiteti Respublikada təsis olunan birinci özəl universitetdir. Lakin birinci təsis olmaq hələ təhsildə birinci olmaq demək deyil. Bu həqiqəti yaxşı dərk edir və hər gün yeniləşən, sürətlə inkişaf edən Azərbaycan üçün yeni, dinamik və çevik təhsil müəssisəsi, müasir dünyanın tələbləri ilə səsləşən kadrlar hazırlamaq istəyirik. Hədəfimiz ən yaxın zamanlarda nəinki Azərbaycanın, bütövlükdə Qafqaz bölgəsinin gerçək birincisi olmaqdır.

Azərbaycan Universitetinin rektoru, AMEA-nın müxbir üzvü ,
professor Akif Musayev

TƏRƏFDAŞ UNİVERSİTETLƏR

www.gsu.edu

CDU-nun veb səhifəsində AU bölməsi

	Bu gün	9
	Dünən	54
	Bu həftə	186
	Keçən Həftə	305
	Bu ay	491
	Keçən ay	734
	Ümumi	1225

Onlayn: 5
Sizin IP: 38.107.191.114
,
Bu gün: Mart 11, 2010

Azərbaycan Universitetinin (AU) strateji inkişaf planı

Azərbaycan Universiteti haqqında - Azərbaycan Universiteti 1991-ci ildə təsis olunan ilk özəl ali məktəbdir. AU 4 istiqamət (ümumi iqtisadiyyat; hüquq; beynəlxalq münasibətlər və pedaqogika) və 11 ixtisas üzrə (vergi və vergitutma; maliyyə və kredit; iqtisadi kibernetka; iqtisadiyyatın hüquqi tənzimlənməsi; gömrük işinin təşkili; hüquqşünaslıq; beynəlxalq hüquq; beynəlxalq münasibətlər; Azərbaycan tarixi; Azərbaycan dili və ədəbiyyatı; ingilis dili-pedaqogika) kadr hazirlayır. Universitetin bütün strukturları, auditoriyaları kompüter və sürətli internet xətti ilə təmin olunub. Universitetdə 120 müəllim çalışır, 900 civarında tələbə təhsil alır. Bu isə altı tələbə - bir müəllim deməkdir. 2008-2009 tədris ilindən başlayaraq AU aşağıdakı ixtisaslar üzrə kadr hazırlığı planlaşdırır: biznes idarəçiliyi; sosial iş; hüquqşünaslıq; beynəlxalq hüquq; beynəlxalq münasibətlər; beynəlxalq jurnalistika; Azərbaycan tarixi; Azərbaycan dili və ədəbiyyatı; ingilis dili-pedaqogika; əczaçılıq; stomatalogiya. Üçpilləli (bakalavriat, magistratura, Ph.D) təhsili tam əhatə edən 8 illik strateji inkişaf planı AU elmi şurasının 29. 03. 2008-ci il tarixli toplantısında (8 saylı protokol) qəbul edilmişdir.

İnkişaf strategiyasının məqsədi - Azərbaycanda və dünyada baş verən sürətli dəyişmələrin önündə getməyə qabil kadrların hazırlanması, beynəlxalq təhsil məkanına inteqrasiya, Universitetin təkcə ölkədə deyil, regionda və dünyada rəqabət qabiliyyətli ali təhsil müəssisəsinə çevrilməsi.

İnkişaf strategiyasının sloqanı - Təsisdə Birinci, Təhsildə Lider! Ağlın və qəlbin qovuşduğu məkan!

İnkişaf strategiyası üçün normativ hüquqi baza - Təhsil Haqqında Azərbaycan Respublikası Qanunu, təhsil ixtisasları üzrə yeni təsnifat, 2008-2012-ci illərdə Azərbaycan Respublikasının ali təhsil sistemində islahatlar üzrə Dövlət Proqramı, Azərbaycanın 2005-ci ildə imza atdığı Bolonya bəyannaməsi, AU-nun dünyadakı nüfüzlu ali təhsil müəssisələri ilə bağladığı müqavilələr.

AU-nun rəqabət qabiliyyətliliyini təmin edən əsas amillər - Universitetin Respublikada ilk özəl ali təhsil müəssisəsi olması, pozitiv reputasiya qazanması, kadr hazırlığı sahəsindəki uğurlar, beynəlxalq aləmdə tanınmış universitetlərlə həyata keçirdiyi və yaxın perspektiv üçün planladığı layihələr, yaxın perspektivdə yeni kampusun və təhsil infrastrukturunun gerçəkliyə çevriləcəyi ilə bağlı ictimai gözləntilər, Universitetin müasir və peşəkar müəllimlərlə təminatı istiqamətində görülən işlər, müasir universitet tələblərinə və Bolonya bəyannaməsinin müddəalarına uyğun islahatların həyata keçirilməsi

İnkişaf strategiyasının üstün istiqamətləri:

1. AU-nun idarəçilik strukturunun təkmilləşdirilməsi (cədvəl-1).
2. Şəffaf, dürüst və səmərəli təhsil.
3. Bolonya bəyannamsinin müddəalarının həyata keçirilməsi.
4. Dünya standartlarina uyğun ixtisasların, nüfüzlu təhsil proqramlarının tətbiqi və rəqabət qabiliyyətli kadrların hazırlanması.
5. Təhsildə ardıcıllığın və davamlılığın gözlənilməsi: bağça, gimnaziya, bakalavriat, magistratura, PhD.
6. Bütün qruplar üzrə hazırlıq kurslarının təşkili.
7. İkinci ixtisas və peşə hazırlığı.
8. Yeddi istiqamət üzrə ixtisaslaşma: hüquq, pedaqoji, iqtisadiyyat, təbabət, sosial iş, beynalxalq münasibətlər və beynəlxalq jurnalistika.
9. 2008-2009-cu tədris ilindən AU-nun hüquq, beynəlxalq hüquq, beynəlxalq münasibətlər və tarix ixtisaslarının yenidən bərpası (AU-nun hüquq və beynəlxalq münasibətlər sahəsində hazırladığı kadrlar Respublikada pozitiv reputasiyaya malikdir).
10. Biznes İdarəçiliyi üzrə AU-nun tərəfdaşları olan Qafqaz Biznes Universiteti (CU-Gürcüstan), Corciya Dövlət Universiteti ilə (CSU-ABŞ), Sosial İş ixtisası üzrə Malmö və Lund universitetləri ilə (İsveç Krallığı), Əczaçılıq və Stomatalogiya ixtisasları üzrə Yaxın Doğu Universiteti ilə (YDU-Şimali Kipr), Beynəlxalq Münasibətlər və Beynəlxalq Jurnalistika ixtisasları üzrə KİMEP-lə (Qazağıstan) əməkdaşlıq.
11. Adı çəkilən universitetlərlə dual proqramlar, tələbə, müəllim, təcrübə mübadilələri, birgə layihələr həyata keçirmək, müştərək beynəlxalq konfranslar, seminarlar, yay məktəbləri təşkil etmək.
12. AU üçün kampusun, yeni təhsil infrastrukturunun tikilib istifadəyə verilməsi.
13. AU "board"-nın və ixtisaslar üzrə "dəyirmi masalar"-ın formalaşdırılması
14. AU-nun ilkin mərhələdə elektron biblioqrafiyalı, sonrakı mərhələdə isə elektron kitabxanasının, veb-saytının yaradılması
15. AU-nun nəşriyyat və lokal mətbəəsinin yaradilması
16. "İpək Yolu" dərgisinin dövriliyinin təmin olunması və yeni ixtisas jurnalının nəşri
17. AU kataloqunun hazırlanması
18. 2015-ci ilə qədər 5000 min tələbə

İnkişaf strategiyasının planı

	Görüləcək işlər	Müddət	İcraçı	Qeyd
	I. Maddi texniki baza və infrastruktur
1.1	Azərbaycan Universiteti üçün torpaq sahəsi məsələsinin həlli	2008-ci il	AU-nun təsisçisi və rektoru	BOARD-ın dəstəyi ilə
1.2	AU üçün elektron bibloqrafiyalı kitabxanın yaradılması	2008-ci il	AU-nun rektoru və elm işləri üzrə prorektoru	Mədəniyyət və turizm nazirliyinin köməyi ilə
1.3	AU-nun nəşriyyat və lokal mətbəəsinin yaradilmasi	2008-ci il	AU-nun rektoru, elm işləri və ümumi işlər üzrə prorektorları
1.4	AU-nun veb-saytının yaradılması	2008-ci il	AU-nun rektoru, elm işləri üzrə prorektoru, İslahatlar Mərkəzi
1.5	AU-nın gerbinin, bayrağının, loqosunun, himninin, reklam strategiyasının hazırlanması	2008-ci il	AU-nun rektoru, elm işləri üzrə prorektoru, İslahatlar Mərkəzi
1.6	AU üçün kampusun tikilib istifadəyə verilməsi	2009-2010-cu illər	AU-nun təsisçisi və rektoru	BOARD-ın dəstəyi ilə
1.7	AU-nun elektron kitabxanasının yaradılması	2010-cu il	AU-nun rektoru və elm işləri üzrə prorektoru	Mədəniyyət və turizm nazirliyinin köməyi ilə
	II. Tədris-metodiki təminat
2.1	AU ixtisaslarının beynəlxalq standartlara cavab verən kurrikulumlarını (tədris planlarını) hazırlamaq və davamlı olaraq təkmilləşdirmək	mütamadi	Tədris işləri üzrə prorektor, İslahatlar Mərkəzi	Dünyadakı tərəfdaş universitetlərin dəstəyi ilə
2.2	AU-da yeni fənn proqramlarının (sillabüslərin) hazırlanması	mütamadi	Tədris işləri üzrə prorektor, İslahatlar Mərkəzi	Dünyadakı tərəfdaş universitetlərin dəstəyi ilə
2.3	Müasir fənn dərsliklərinin hazırlanması, tərcüməsi və çapı	mütamadi	AU-nun rektoru və elm işləri üzrə prorektoru	BOARD-ın dəstəyi ilə
2.4	Tərəfdaş universitetlərlə metodiki sahədə əməkdaşlıq etmək, təcrübə mübadilələri aparmaq, müştərək beynəlxalq konfranslar, treyninqlər-seminarlar, yay məktəbləri təşkil etmək, birgə layihələr həyata keçirmək	mütamadi	AU-nun rektoru və elm işləri üzrə prorektoru	BOARD-ın dəstəyi ilə
2.5	İnteraktiv dərslər üçün zəruri texniki və metodiki vasitələrlə AU-nun təmin olunması	mütamadi	AU-nun rektoru, elm və ümumi işlər üzrə prorektorları, İslahatlar Mərkəzi
2.6	Tərəfdaş universitetlərlə birgə tətbiqi planlaşdırılan BBA və MBA proqramlarının hazırlanması və Təhsil Nazirliyində təsdiqi	2008-ci il	AU-nun rektoru və elm işləri üzrə prorektoru	Təhsil Nazirliyinin köməyi ilə
2.7	Kredit sisteminin tətbiqi ilə bağlı sənədləşdirmə işlərinin (kredit vərəqəsi, transkript, qiymətləndirmə və imtahanların keçirilməsi qaydaları, yeni sıllabüs nümunələri, tələbələr üçün məlumat-bilgi kitabçası) başa çatdırılması, ən son nümunələrin hazırlanması	2008-ci il	AU-nun rektoru, elm işləri üzrə prorektoru və İslahatlar Mərkəzi	Təhsil Nazirliyinin və tərəfdaş universitetlərin köməyi ilə
2.8	Tələbə transferinə, diplomun anlaşılmasina mane olan maneələrin ortadan qaldırılması, diploma əlavə üçün müəyyənləşmiş standart tələblərin gözlənilməsi	2008-ci il	AU-nun rektoru, elm işləri üzrə prorektoru və İslahatlar Mərkəzi	Təhsil Nazirliyinin köməyi ilə
2.9	Təhsil haqqının kreditin sayına müvafiq müəyyənləşdirilməsi və tətbiqi	2008-ci il	AU-nun rektoru və baş mühasibi
2.10	Hər bir ixtisas üzrə beş nəfərdən ibarət dəyirmi masanın (Round table) formalaşdırılması	2008-ci il	AU-nun rektoru, ixtisas dekanları və kafedraları	BOARD-ın dəstəyi ilə
	III. Müəllim hazırlığı
3.1	İqtisadiyyat üzrə tədrisdə kadra ehtiyac hiss olunan zəruri və müasir fənləri, bu fənləri tədris edəcək potensial kadrları müəyyənləşdirmək	2008-ci il	AU-nun rektoru və iqtisadiyyat dekanlığı, kafedraları
3.2	Həmin fənlər üzrə universitet və respublika daxili vəziyyəti araşdırmaq, kadr tələbatını daxili resursların hesabına ödəmək	2008-ci il	AU-nun rektoru və iqyisadiyyat dekanlığı, kafedraları
3.3	Hər bir mütəxəssisin 3-4 fəndən ixtisaslaşması şərti ilə CU ilə müqavilə bağlamaq və AU kadrlarını CU-ya ixtisasartırmaya ezam etmək	2008-ci il	AU-nun rektoru, elm işləri üzrə prorektoru və beynəlxalq əlaqələr şöbəsi	CU ilə
3.4	Sosial İş ixtisası üzrə Malmö və Lund universitetləri ilə, Beynəlxalq Münasibətlər və Beynəlxalq Jurnalistika ixtisası üzrə KİMEP-lə, Stomatologiya və Əczaçılıq ixtisasları üzrə YDU ilə əməkdaşlıq və kadrların yenidən hazırlanması üçün müqavilə bağlamaq	2008-2015-ci illər	AU-nun rektoru, elm işləri üzrə prorektoru və beynəlxalq əlaqələr şöbəsi	CU, YDU, KİMEP Malmö, Lund universitetləri ilə
3.5	Ildə 2 nəfəri Ph. D təhsili almaq üçün Corciya Dövlət Universitetinə və KİMEP-ə göndərmək	2008-2015-ci illlər	AU-nun rektoru, elm işləri üzrə prorektoru və beynəlxalq əlaqələr şöbəsi	BOARD-ın dəstəyi ilə
	IV Kadr hazırlığı, tələbə mübadiləsi və beynəlxalq proqramlar
4.1	AU-nun 7 istiqmət üzrə (biznes idarəçiliyi; sosial iş; hüquq; əczaçılıq və stomatalogiya; beynəlxalq münasibətlər; beynəlxalq jurnalistika və pedaqoji) ixtisaslaşmasını təmin etmək	2008-2015-ci illlər	AU-nun rektoru, elm işləri üzrə prorektoru, İslahatlar Mərkəzi	BOARD-ın dəstəyi ilə
4.2	AU-da müasir tədris proqramlarını, interaktiv tədris texnologiyalarını tətbiq etmək	2008-2015-ci illlər	AU-nun rektoru, elm işləri üzrə prorektoru, İslahatlar Mərkəzi	BOARD-ın dəstəyi ilə
4.3	BBA və MBA üçün, CU-nun və ABŞ-ın Corciya Dövlət Universitetinin təklif etdiyi ikili və üçlü diplom proqramını tətbiq etmək. Mövcud layihənin gerçəkləşməsini və səmərəliliyini təmin etmək üçün ABŞ-dan müqavilə əsasında bir mütəxəssisin dəvət olunması	2008-2015-ci illlər	AU-nun rektoru, elm işləri üzrə prorektoru və beynəlxalq əlaqələr şöbəsi	CU və GDU ilə birlikdə
4.4	Beynəlxalq Münasibətlər və Jurnalistika ixtisasları üzrə KİMEP-lə ikili diplom proqramının həyata keçirilməsi	2009-2015-ci illlər	AU-nun rektoru, elm işləri üzrə prorektoru və beynəlxalq əlaqələr şöbəsi	KİMEP-lə
4.5	Əczaçılıq və Stomatalogiya ixtisasları üzrə YDU ilə əməkdaşlıq və ikili diplom proqramının həyata keçirilməsi	2010-2015-ci illlər	AU-nun rektoru, elm işləri üzrə prorektoru və beynəlxalq əlaqələr şöbəsi	YDU ilə
4.6	Sosial İş ixtisası üzrə İsveçin Malmö və Lund universitetləri ilə əməkdaşlıq, ikili diplom proqramının həyata keçirilməsi	2010-2015-ci illlər	AU-nun rektoru, elm işləri üzrə prorektoru və beynəlxalq əlaqələr şöbəsi	Malmö və Lund universitetləri ilə
4.7	Tam, yəni ikitərəfli tələbə mübadiləsi proqramına başlamaq, tərəfdaş universitetlərə tələbə verməklə yanaşı tələbə qəbul etmək	2010-2015-ci illər	AU-nun rektoru və beynəlxalq əlaqələr şöbəsi	CU, YDU, KİMEP Malmö, Lund universitetləri ilə
4.8	Tərəfdaş universitetlərlə müştərək PhD proqramları həyata keçirmək	2010-2015-ci illər	AU-nun rektoru, elm işləri üzrə prorektoru və beynəlxalq əlaqələr şöbəsi	CU, YDU, KİMEP Malmö, Lund universitetləri ilə
4.9	AU-da tədrisin təşkilini Avropa Kredit Transferi Sisteminin (AKTS) tələblərinə uyğunlaşdırmaq	2009-cu il	AU-nun rektoru, elm işləri üzrə prorektoru və İslahatlar Mərkəzi	Təhsil Nazirliyinin dəstəyi ilə
4.10	Tələbələrin biliyini qiymətləndirilmə sistemini Avropa Kredit Transferi Sistemi (AKTS) tələblərinə uyğunlaşdırmaq	2009-cu il	AU-nun rektoru, elm işləri üzrə prorektoru və İslahatlar Mərkəzi	Təhsil Nazirliyinin dəstəyi ilə
4.11	Ali təhsil haqqında sənədlərin qarşılıqlı tanınması mexanizmini təkmilləşdirmək (Bolonya Bəyannaməsinin prinsiplərinə uyğun diploma əlavənin yeni formasının yaradılması)	2009-cu il	AU-nun rektoru, elm işləri üzrə prorektoru və İslahatlar Mərkəzi	Təhsil Nazirliyinin dəstəyi ilə
	V. Elmi və innovasiya fəaliyyəti
5.1	"İpək Yolu" dərgisinin dövriliyinin təmin olunması və yeni ixtisas jurnalının nəşri	2008-ci il	AU-nun rektoru və elm işləri üzrə prorektoru
5.2	Dünyanın nüfuzlu jurnallarında elmi məqalələrin dərcinə nail olmaq	2008-2015	AU-nun rektoru və elm işləri üzrə prorektoru
5.3	AU əməkdaşlarının nüfuzlu beynəlxalq elmi konfranslarda iştirakını təmin etmək, Universitetdə mütamadi elmi konfranslar və seminarlar keçirmək	mütamadi	AU-nun rektoru və elm işləri üzrə prorektoru, kafedralar	BOARD-ın dəstəyi ilə
5.4	AU-da aparılan elmi araşdırmaların keyfiyyətinin yüksəldilməsinə, məzmununun müasirləşdirilməsinə və praktiki faydalılığının təmin edilməsinə nail olmaq	2008-2015	AU-nun rektoru və elm işləri üzrə prorektoru, kafedralar
5.5	Dünyadakı elmi yeniliklərin tədrisdə istifadəsi məsələsində çevikliyi təmin etmək	2008-2015	AU-nun rektoru və elm işləri üzrə prorektoru, kafedralar
5.6	AU kataloqunu hazırlamaq	2008	AU rektoru, elm işləri üzrə prorektor, İslahatlar Mərkəzi
5.7	Elmi-tədqiqat işlərini AU-nun yönümünə uyğunlaşdırmaq	mütamadi	AU rektoru, elm işləri üzrə prorektor
5.8	AU-da aparılan elmi-tədqiqat işlərini kadr hazırlığı və istehsalatın tələblərinə uyğunlaşdırmaq	mütamadi	AU rektoru, elm işləri üzrə prorektor, kafedralar	AMEA-nın dəstəyi ilə
5.9	Tələbələrin elmi-tədqiqat işinə cəlb olunmasını təmin edən yeni mexanizmlər hazırlamaq	mütamadi	AU rektoru, elm işləri üzrə prorektor, kafedralar
5.10	AU-da elmi-tədqiqat işlərini dövlət sifarişi formasında təşkil etmək	mütamadi	AU rektoru, elm işləri üzrə prorektor, kafedralar
	VI. Məqsədli kadr hazırlığı
6.1	Qarşılıqlı razılaşma əsasında Az. Əmək və Əhalinin Sosial Müdafiəsi Nazirliyi üçün kadrlar hazırlamaq	2010-2015-ci illər	AU-nun rektoru, elm işləri üzrə prorektoru və beynəlxalq əlaqələr şöbəsi	Əmək və Əhalinin Sosial Müdafiəsi Nazirliyi ilə
6.2	Qarşılıqlı razılaşma əsasında Az. Vergilər Nazirliyi üçün kadrlar hazırlamaq	2010-2015-ci illər	AU-nun rektoru, elm işləri üzrə prorektoru və beynəlxalq əlaqələr şöbəsi	Vergilər Nazirliyi ilə
6.3	Qarşılıqlı razılaşma əsasında Az. Gömrük Komitəsi üçün kadrlar hazırlamaq	2010-2015-ci illər	AU-nun rektoru, elm işləri üzrə prorektoru və beynəlxalq əlaqələr şöbəsi	Gömrük Komitəsi ilə
6.4	Tərəfdaş universitetlərlə və sifarişçi dövlət institutları ilə kadr hazırlığı ilə bağlı müştərək layihələr həyata keçirmək	2010-2015-ci illər	AU-nun rektoru, elm işləri üzrə prorektoru və beynəlxalq əlaqələr şöbəsi	Əmək və Əhalinin Sosial Müdafiəsi Nazirliyi, Vergilər Nazirliyi, Gömrük Komitəsi və tərəfdaş universitetlər ilə
6.5	Tərəfdaş universitetlərlə və sifarişçi dövlət institutları ilə kadrların yenidən hazırlanması ilə bağlı müştərək layihələr həyata keçirmək	2010-2015-ci illər	AU-nun rektoru, elm işləri üzrə prorektoru və beynəlxalq əlaqələr və kadrlar şöbəsi	Əmək və Əhalinin Sosial Müdafiəsi Nazirliyi, Vergilər Nazirliyi, Gömrük Komitəsi və tərəfdaş universitetlər ilə
	VII. AU-nun funksional idarəetmə modelinin yaradılması
7.1	AU-nun müasir idarəçilik strukturunun yaradılması və elmi şurada təsdiqi	2009	AU Elmi Şurası	Təsisçi və BOARD-ın dəstəyi ilə
7.2	2008-2009-cu illərdə AU-nun hər bir ixtisası üzrə tədris menecerlərinin seçilib Gürcüstana və İsveçə hazırlıq kurslarına göndərilməsi	2009	AU-nun rektoru, elm işləri üzrə prorektoru, İslahatlar Mərkəzi	Təsisçi və BOARD-ın dəstəyi ilə
7.3	AU-da tədrisin təşkili və idarəolunmasında müasir kompüter proqramlarının tətbiqi	2008-ci il	AU-nun rektoru, elm işləri üzrə prorektoru, İslahatlar Mərkəzi	BOARD-ın dəstəyi ilə
7.4	AU strukturlarının fəaliyyətinin yenidən qurulması, müasirləşdirilməsi	2008-ci il	AU-nun rektoru, elm işləri üzrə prorektoru, İslahatlar Mərkəzi
	VIII. Rəqabət mühitinin qiymətləndirilməsi
8.1	Orta ümumtəhsil məktəblərinin buraxılış siniflərində rəy sorğularının aparılması	mütamadi	Elm işləri üzrə prorektoru, İslahatlar Mərkəzi, dekanlıqlar
8.2	Valideynlər arasında rəy sorğularının keçirilməsi	mütamadi	Elm işləri üzrə prorektoru, İslahatlar Mərkəzi, dekanlıqlar
8.3	Ali təhsil problemləri ilə baglı media monitorinqinin təşkili	mütamadi	Elm işləri üzrə prorektoru, İslahatlar Mərkəzi, dekanlıqlar
8.4	Respublikanın ali təhsil müəssisələrinə qəbulun monitorinqi və analizi	mütamadi	Elm işləri üzrə prorektoru, İslahatlar Mərkəzi, dekanlıqlar
8.5	Respublikada kadrlara olan tələbatın öyrənilməsi	mütamadi	Elm işləri üzrə prorektoru, İslahatlar Mərkəzi, dekanlıqlar
8.6	AU məzunlarının işlə təmin olunması məsələsi ilə bağlı monitorinqin təşkili	mütamadi	Elm işləri üzrə prorektoru, Karyera Mərkəzi, dekanlıqlar
8.7	Azərbaycan Respublikası Təhsil Nazirliyi və TQDK üçün təkliflərin hazırlanması	mütamadi	Elm və Tədris işləri üzrə prorektor
	IX. Əlavə tədbirlər
9.1	AU-nun bağçasının fəaliyyətə başlaması	2008-2009-cu tədris ili	AU-nun rektoru və ümumi işlər üzrə prorektoru
9.2	AU-nun gimnaziyasının fəaliyyətə başlaması	2008-2009-cu tədris ili	AU-nun rektoru və tədris işləri, ümumi işlər üzrə prorektoru
9.3	Bütün ixtisaslar üzrə hazırlıq kurslarının fəaliyyətə başlaması	2008-2009-cu tədris ili	AU-nun rektoru və tədris işlər üzrə prorektoru
9.4	İkinci ixtisas proqramının həyata keçirilməsi	2008-2009-cu tədris ili	AU-nun rektoru və tədris işlər üzrə prorektoru
9.5	Əcnəbi tələbələrin Azərbaycan dili, mədəniyyəti və tarixindən hazırlanması və biliklərinin test üsulu ilə yoxlanılması məqsədi ilə AU-da dil mərkəzinin yaradılması	2008-2009-cu tədris ili	AU-nun rektoru və tədris işlər üzrə prorektoru
9.6	GMAT imtahanlarının keçirilməsi hüququnun əldə edilməsi	2008-2009-cu tədris ili	AU-nun rektoru və tədris işlər üzrə prorektoru
9.7	AU-nun Azərbaycan Vergilər və Əmək və Əhalinin Sosial Müdafiəsi nazirliklərinin baza ali təhsil müəssisəsi hüququna sahib olması istiqamətində fəaliyyət	2008-2009-cu tədris ili	AU-nun rektoru və tədris işlər üzrə prorektoru	Vergilər və ƏƏSM nazirliyinin köməyi ilə
9.8	Beynəlxalq və milli donor təşkilatlarının qrandlarını qazanmaq üçün fərdi, ikitərəfli və çoxtərəfli (TEMPUS, ERASMUS-Mundus) şəbəkə layihələrində iştirak	Müntəzəm	AU-nun rektoru, elm işləri üzrə prorektorluq və beynəlxalq əlaqələr şöbəsi	BOARD-ın dəstəyi ilə
9.9	AU-nun təcrübə-sınaq bazasının yaradılması	2010	AU-nun təsisçisi, rektoru	BOARD-ın dəstəyi ilə

Nəticə

Strateji inkişaf planının gerçəkləşməsi ilə aşağıdakı nəticələrin əldə olunması gözlənilir:

- AU-nun yeni və müasur infrastrukturu yaradılacaq;
- AU-nun müasir maddi-texniki bazası formalaşdırılacaq;
- AU-nun yeni, müasir və çevik idarəçilik modeli yaradılacaq;
- Universitetdə elektron kitabxana qurulacaq;
- AU-nun beynəlxalq əlaqələri, dünya təhsil məkanına inteqrasiyası güclənəcək;
- Peşəkar müəllim heyyəti formalaşdırılacaq;
- Dünya standartlarına uyğun kadr hazırlığı üçün təminat yaradılacaq;
- Elmi araşdırmaların keyfiyyəti yaxşılaşacaq;
- -AU Azərbaycan təhsil məkanında və bölgədə lider universitet olacaq