“İPƏK YOLU” beynəlxalq indeksləmə bazalarına yerləşdirilib

22.08.2017 5569

Azərbaycan Universitetinin elmi jurnalı “İPƏK YOLU” beynəlxalq indeksləmə bazalarına yerləşdirilib.

Universitetin saytında jurnalın səhifəsinin yaradılması və onun son nömrələrinin bu səhifədə yerləşdirilməsi bu bazalara müraciət etməyə imkan yaratmışdır.

Diqqətəlayiq haldır ki, “İPƏK YOLU” jurnalı bu bazalardan  Academic Keys (ABŞ), Directory of Research Journals Indexing (DRJI – Hindistan), Advanced Science Index (ASI), ESJI (Rusiya), Research Bible (Yaponiya),  Journal Impact Factor (JIFACTOR), Scientific Indexing Services SIS (ABŞ) tərəfindən artıq indekslənmək üçün qəbul edilib.

Elmi jurnalın beynəlxalq bazalarda təmsil olunması bir tərəfdən çap olunan məqalələrin beynəlxalq elmi mühitdə yayılmasına şərait yaradır, digər tərəfdən isə xarici müəlliflərin diqqətinin cəlb edilməsində böyük rol oynayır.

Jurnalın beynəlxalq indeksləmə bazalarına yerləşdirilməsi və beynəlxalq elmi elektron məkana inteqrasiyası prosesi davam edəcəkdir.

Qeyd edək ki, 1997-ci ildən fəaliyyət göstərən “İPƏK YOLU” jurnalı Azərbaycan Respublikasının Prezidenti yanında Ali Attestasiya Komissiyasının dissertasiyaların əsas nəticələrinin dərc olunmasını tövsiyə etdiyi dövri elmi nəşrlərin də siyahısındadır.

İctimaiyyətlə əlaqələr şöbəsi
22.08.2017