“Holiday Inn Baku” Hotel və Azərbaycan Universitetinin Karyera Mərkəzinin birgə təşkilatçılığı ilə turizm ixtisaslarında təhsil alan tələbələr üçün “Karyera Günü” keçirilib. Tədbirdə hotelin İnsan resursları üzrə meneceri Yeganə Baxşiyeva, İnsan resursları üzrə mütəxəssis Nabat Əsədova və İnsan resursları üzrə koordinator Murad Sultanov tərəfindən iştirakçılara “Holiday Inn” brendinin tarixi və dəyərləri haqqında məlumat verilib, işə qəbulla bağlı tələbələrin sualları cavablandırılıb.

Tədbirin ikinci hissəsində isə tələbələrin təlim və təcrübə proqramlarına cəlb olunması məqsədilə təkbətək görüş əsasında CV-ləri qəbul olunub, onlara karyera məsləhəti verilib. 

İctimaiyyətlə əlaqələr şöbəsi