Xalqımız bu il əziz Qurban Bayramını da digər bayramlar kimi yüksək əhval-ruhiyyə ilə qeyd edir. Qələbə ovqatı ilə edilən dua və niyyətlərin, kəsilən qurbanların Tanrı dərgahında qəbul olunması diləyi ilə bütün həmvətənlərimizi mərhəmət, xeyirxahlıq, həmrəylik kimi ali insani dəyərlərin, mənəvi təmizlənmənin, birlik və paylaşmanın simvolu olan müqəddəs Qurban Bayramı münasibətilə təbrik edirəm.

Bu əziz və mübarək gündə xalqımıza, ölkəmizin hüdudlarından kənarda yaşayan bütün soydaşlarımıza can sağlığı, sevinc və səadət, süfrələrə bolluq və bərəkət, ölkəmizə və dünyaya rifah, tərəqqi, sülh və əmin-amanlıq arzulayıram.

Qurban Bayramınız mübarək olsun!