Azərbaycan Universitetinin ənənəvi şahmat turniri bu il 7 dekabr 2017-ci il tarixində keçiriləcəkdir. İştirakçıların olimpiya sistemi üzrə mübarizə aparacaqları müsabiqədə Azərbaycan Universitetinin bütün tələbələri iştirak etmək hüququna mailikdirlər. 

Ümummilli lider Heydər Əliyevin xatirəsinə həsr olunan turnir bu il beşinci dəfədir ki, keçirilir. Müsabiqə tələbələrin asudə vaxtlarının səmərəli təşkili və şahmatın kütləviliyinin artırılması məqsədi ilə təşkil olunur. 

Qalibləri diplom və kubokla yanaşı qiymətli hədiyyələr də gözləyir. Turnirin qalibləri aşağıdakı kimi mükafatlandırılacaqdır:

• I yer - Smartfon (Samsung Galaxy J1)
• II yer - Planşet (Alcatel One Touch Pixi 4)
• III yer - Mobil enerjiyığma cihazı (MI Q/320281DHR01 5000 mAh)

Qeydiyyat İctimaiyyətlə əlaqələr şöbəsində aparılır. Şöbə IV mərtəbə, 518 nömrəli otaqdadır. 

İctimaiyyətlə əlaqələr şöbəsi
04.12.2017