Tələbə Gənclər Təşkilatı

Tələbə Gənclər Təşkilatı

15 dekabr 2005-ci ildə təsis edilən Azərbaycan Universiteti Tələbə Gənclər Təşkilatı ümumi maraqlar və könüllülük prinsipi əsasında birləşən tələbə gənclərin ictimai həyatda fəal iştirakını təmin edir. Təşkilatın əsas məqsədi dövlət gənclər siyasətinin həyata keçirilməsi istiqamətində tələbələrin və ayrı-ayrılıqda hər bir tələbənin maraqlarını təmsil və müdafiə etmək, respublikanın ictimai, mədəni, sosial, iqtisadi həyatında onların fəal iştirakını təmin etməkdir. Tələbə Gənclər Təşkilatı tələbələrin maraqlarını, ideya, təklif və təşəbbüslərini dəstəkləyir, onların reallaşmasını təmin edir.

Təşkilatın əsas vəzifələri aşağıdakılardır:

Tələbələrin sosial problemlərinin həlli istiqamətində iş aparılması
Tələbələrin hüquqlarının təmin edilməsi
Tələbələrin asudə vaxtlarının səmərəli təşkil edilməsi
Tələbələr arasında maarifləndirmə işinin aparılması
Respublikanın daxilində və xaricində keçirilən müsabiqələrdə, olimpiadalarda, sərgilərdə istedadlı və yaradıcı tələbələrin iştirakının təmin edilməsi
Tələbələr arasında narkomaniya, alkoqolizm, cinayətkarlıq və s. kimi digər neqativ meyillərə qarşı profilaktik tədbirlərin həyata keçirilməsi
Tələbələrin iştirakı ilə müsabiqələrin, seminarların, təlimlərin, festivalların, forumların, toplantıların, sərgilərin, aksiyaların, dəyirmi masaların, elmi konfransların, diskussiya klublarının, müzakirələrin, simpoziumların, görkəmli şəxslərlə görüşlərin təşkil edilməsi

Təşkilatın strukturu:

Təşkilata ümumi rəhbərliyi kollegial orqan olan idarə heyəti həyata keçirir. İdarə heyətinə təşkilatın sədri rəhbərlik edir.

Sədr
Sədr müavinləri
Fakültə sədrləri

Təşkilatın nəzdində müxtəlif inkişaf istiqamətləri üzrə klublar fəaliyyət göstərir:

Azərbaycan Universitetinin Birləşmiş Millətlər Modeli klubu (AU MUN)
CreArt klubu
Conversation klubu
İT klubu
Karyera klubu
Sinema klubu

Azərbaycan Universitetinin Tələbə Gənclər Təşkilatı 2013-cü ildə Bakı Şəhər Gənclər və İdman Baş İdarəsinin cari ilin yekunlarına dair təsis etdiyi “Yaxşıların yaxşısı-2013” mükafatının təqdimatı mərasimində ilin ən yaxşı “Tələbə Gənclər Təşkilatı” seçilmişdir.

Təşkilat, Azərbaycan Respublikası Gənclər və İdman Nazirliyi və Bakı Şəhər Gənclər və İdman Baş İdarəsi tərəfindən “2 fevral - Azərbaycan Gəncləri Günü” münasibəti ilə “Azərbaycan Gəncliyi 2011-2015-ci illərdə Dövlət Proqramı”nın həyata keçirilməsində fəal iştirakına görə fəxri fərmana layiq görülmüşdür.

Təşkilatın sədri Rəsul Dadaşov 2024-cü ildə “2 Fevral – Azərbaycan Gəncləri Günü” münasibətilə keçirilən Tələbə Gənclər Təşkilatlarının Respublika Forumunda Azərbaycan Tələbə Gənclər Təşkilatları İttifaqı (ATGTİ) tərəfindən “İlin Tələbə Gənclər Təşkilatı sədri” seçilmişdir.

TGT sədrləri (2006-cı ildən)

Kamil Dadaşov / 2006-2009, Beynəlxalq münasibətlər
Ceyhun Məmmədov / 2009-2010, Gömrük işinin təşkili
Nərmin Hüseynzadə / 2010-2011, Xarici dil müəllimliyi (ingilis dili)
Orxan Sultanov / 2011-2014, Maliyyə
Nəsimi Musayev / 2014-2016, Mühasibat uçotu və audit
Cavidan Heybətzadə / 2017-2018, Sosial iş
Rövşən Saatov / 2019-2020, Maliyyə
Səma Məsimli / 2022-2023, Filologiya (ingilis dili və ədəbiyyatı)
Rəsul Dadaşov / 2023-2025, Dövlət və ictimai münasibətlər
Hüseyn Rüstəmli / 2025, Dövlət və ictimai münasibətlər

Əlaqə

Telefon: (012) 431 41 12 (daxili 147)
E-poçt: tgt@au.edu.az
Instagram: @au_tgt