Əziz həmvətənlər!

Əziz soydaşlar!

Bu gün biz iki əlamətdar hadisə ərəfəsindəyik. Dekabrın 31-də Dünya Azərbaycanlılarının Həmrəylik Gününü qeyd etməklə bərabər Yeni ili də qarşılayacağıq.

Bütün insanlar yeni ili yeni ümidlərlə – sevinc, xoşbəxtlik, uğur, bəzən möcüzə arzusu ilə gözləyir. 31 dekabr tarixinin isə bizim üçün mənəvi dəyəri çox böyükdür. 1989-cu ildən başlayaraq mənəvi birliyimizin rəmzinə çevrilmiş bayramdır.

Bu bayram və yeni il münasibətilə hər birinizi səmimi qəlbdən təbrik edir, ən xoş arzularımı çatdırıram. Ölkəmizə firavanlıq və qələbə, dünyamıza sülh və əmin-amanlıq arzulayıram. 2018-ci il özü ilə daha çox sevinc, daha çox xoşbəxtlik, daha çox uğur gətirsin!

İctimaiyyətlə əlaqələr şöbəsi
29.12.2017