Azərbaycan Universitetində fəlsəfə doktoru proqramı üzrə bu il doktorantura və dissertanturaya qəbul edilmiş doktorant və dissertantlarla görüş keçirilib. Tanışlıq və təlimat xarakterli görüşdə doktorant və dissertantların təhsil aldıqları müddətdə görəcəkləri işlər barədə məlumat diqqətə çatdırılıb.

Magistratura və doktorantura şöbəsinin müdiri Nüşabə Quliyeva doktorant və dissertantları təbrik edərək onlara tövsiyə və tapşırıqlarını çatdırıb, uğurlar arzulayıb.

Görüşdə doktorant və dissertantlara vəsiqələri təqdim olunub, həmçinin onları maraqlandıran suallar cavablandırılıb.

Qeyd edək ki, 2018-ci ildə Azərbaycan Universitetinə fəlsəfə doktoru proqramı üzrə 10 doktorant və 8 dissertant qəbul edilib.

İctimaiyyətlə əlaqələr şöbəsi
20.02.2018