Azərbaycan Universiteti tələbələr üçün “Karantin zamanı psixi sağlamlığın qorunması yolları” mövzusunda vebinar təşkil edib. Onlayn tədbirə Bakıda və bölgələrdə fəaliyyət göstərən universitetlərin 70-dən çox tələbə və magistrantı qoşulub.

Vebinarda karantin müddətində vaxtın səmərəli təşkili yolları, həyəcan, narahatlıq, depressiya kimi halların artması, stresin idarə olunması, gündəlik həyatın müxtəlif sferalarının nəzərdən keçirilməsi, karantindən sonrakı həyat kimi mövzular müzakirə olunub.

Vebinarı Sosial işin təşkili kafedrasının müəllimi, psixologiya üzrə fəlsəfə doktoru Aynur Bünyatova aparıb.

İctimaiyyətlə əlaqələr şöbəsi
21.04.2020