Azərbaycan Universitetinin Xarici dillər kafedrasının professoru Azad Məmmədov 23-26 iyul tarixlərində Almaniyanın Koblenz Universitetində keçirilən “II Mədəniyyət dilçiliyi” beynəlxalq konfransında iştirak edib.

Professor Azad Məmmədov beynəlxalq tədbirin bölmə iclasında “Qloballaşma diskursunun üzləşdiyi linqvistik çağırışa dair: Müasir dünyada ingilis dilinin dəyişən rolu” mövzusunda məruzə ilə çıxış edib. Bölmə iştirakçıları tərəfindən maraqla qarşılanan məruzədə müasir dünyada baş verən siyasi proseslərin ingilis dilinin mövcud qlobal statusuna təsiri və ingilis dilinin bu statusunun gələcək taleyi işıqlandırılır.

İctimaiyyətlə əlaqələr şöbəsi
27.07.2018