Azərbaycan Universitetinin Tərcümə və filologiya kafedrasının professoru, filologiya elmləri doktoru Azad Məmmədov Polşa Adam Mitskeviç adına Poznan Universitetinin İngilis dili fakültəsinin təşkilatçılığı ilə 13-15 sentyabr 2023-cü tarixlərində keçirilən “52-ci Linqvistik Görüş” adlı beynəlxalq konfransda (52nd Poznan Linguistic Meeting) məruzə ilə çıxış edib. Professor Azad Məmmədovun məruzəsi “Tərcümə diskursunda konseptual ekvivalentlik məsələsi”nə həsr olunub.  

1970-ci ildən ənənəvi olaraq keçirilən konfransın əsas məqsədi elmi tədqiqat müəssisələri, universitetlər, dövlət və özəl sektorlardan olan nümayəndələri bir araya gətirərək dilçilik sahəsində mövcud elmi və praktiki problemləri müzakirə etməkdir.

İctimaiyyətlə əlaqələr şöbəsi