Azərbaycan Universitetinin maliyyə ixtisası üzrə təhsil alan II kurs tələbələri üçün Xəzər Universitetinin Psixologiya departamentinin koordinatoru, Xəzər Psixoloji Xidmət Mərkəzinin direktoru, psixoloq Mələk Kərimova tərəfindən “Şəxsiyyət nəzəriyyəsi və yuxu analizləri” mövzusunda seminar keçirilib.

Seminar şüuraltı davranış və hisslər, qorxu, qayğı, psixoloji müdafiə yolları, stress zamanı yaşanan pozuntular, mənlik konsepsiyası, yuxularda yer dəyişmə, özünü istiqamətləndirmə və döndərmə, xəyal qurma, yuxunun fizioloji hadisə olması və bu kimi mövzuları əhatə edib. Seminarda Xarici dillər kafedrasının müdiri Samirə Məmmədova və kafedranın müəllimi Validə Kərimova iştirak edib.

İctimaiyyətlə əlaqələr şöbəsi
29.11.2019