Azərbaycan Universitetinin tarixçi tələbələr Ruslan Ağakişiyev, Pənah Piralıyev və Tünzalə Kazımovadan ibarət komandası “Tariximizi öyrənək və öyrədək” Gənclər Klubunun üzvləri arasında keçirilmiş intellektual müsabiqədə birinci yerə layıq görülüb.

Müsabiqə Azərbaycan Respublikasının Prezidenti yanında Bilik Fondunda ümummilli lider Heydər Əliyevin anadan olmasının 94-cü ildönümü və 28 May – Respublika Günü münasibətilə təşkil olunub.

Müsabiqənin şərtlərinə əsasən iştirakçı tələbələrin hər biri ümummilli liderin həyat və yaradıcılığından bəhs edən 10 dəqiqəlik slayd nümayiş etdiriblər.

Müsabiqədə I, II və III yerə layiq görülən qalib komandalar Bilik Fondu tərəfindən mükafatlandırılıblar.

İctimaiyyətlə əlaqələr şöbəsi
24.05.2017