Azərbaycan Universitetinin tələbələri üçün “Sağlam Düşüncə Gənclər Təşkilatı” İctimai Birliyi tərəfindən “Xaricdə könüllülük və qeyri-formal təhsil imkanları (təlim kursları, gənclər üçün mübadilə proqramları)” mövzusunda infosessiya keçirilib. Tədbirdə İctimai Birliyin həmtəsisçisi və “Erasmus+ Youth&European Solidarity Corps” üzrə Azərbaycanda Məlumat Mərkəzinin koordinatoru Ramiz Əliyev çıxış edib.

Ramiz Əliyev çıxışında iştirakçılara Erasmus+ Gənclik və Avropa Həmrəylik proqramları, azərbaycanlı gənclər üçün imkanlar və müraciət qaydaları haqqında məlumat verib.

Beynəlxalq əlaqələr şöbəsinin təşkilatçılığı ilə keçirilən sessiyanın sonunda tələbələrin sualları cavablandırılıb.

İctimaiyyətlə əlaqələr şöbəsi