ELANLAR

Azərbaycan Universiteti ilə Türkiyənin OSTİM Texniki Universiteti arasında imzalanan müqavilə çərçivəsində 2026/2027-ci tədris ilinin yaz semestri üzrə akademik heyət üzvləri üçün mobillik proqramına sənəd qəbulu elan edilir. İştirakçıların seçimi ayrılmış yerlərin sayı (kvota) üzrə müsabiqə əsasında aparılacaq və proqramda 2 akademik heyət üzvü iştirak edə biləcək. 

Mobillik proqramı çərçivəsində akademik heyət üzvlərinin aşağıdakı mövzular üzrə seminar və təlimlərinin  keçirilməsi planlaşdırılır:

• Rəqəmsal transformasiya
• Süni intellekt və maşın öyrənməsi
• Müasir proqram mühəndisliyi təcrübələri
• “Data Science”və “Big Data”
• Süni intellektin təhsil və sənayedə tətbiqləri

Proqramda iştirak etmək istəyən akademik heyət üzvlərindən CV-lərini 15 noyabr 2026-cı il tarixinə qədər Beynəlxalq əlaqələr şöbəsinə (elmira.ismayilova@au.edu.az , sevlan.gurbanova@au.edu.az) təqdim etmələri xahiş olunur.

Akademik heyət üzvləri daha ətraflı məlumat üçün Beynəlxalq əlaqələr şöbəsinə müraciət edə bilərlər.

İctimaiyyətlə əlaqələr şöbəsi