Türk Dünyası Rəqəmsal Vətəndaşlığı fənni 2021/2022-ci tədris ilinin yaz semestrində Amasya Universiteti tərəfindən məsafədən tədris olunur. Semestrin dördüncü dərsi 8 aprel 2022-ci il tarixində saat 10.00-da başlayacaq. Tələbələr bu dərsdə prof. Osman Yorulmaz və prof. Önder Dumanın “Türk Dünyası Tarixi-1” mövzusunda mühazirəsinə qulaq asacaqlar. Dərslər “Zoom” platforması üzərindən təşkil olunur.

Qeyd edək ki, fənnin tədrisi “Türk Dünyası Rəqəmsal Vətəndaşlığı” layihəsi çərçivəsində məsafədən təşkil olunur. Qırğızıstan –Türkiyə Manas Universiteti və Türkiyənin Qaziantep Universitetinin koordinatorluğunda həyata keçirilən layihəyə Azərbaycan Universiteti 2021-ci ildə qoşulub.

İctimaiyyətlə əlaqələr şöbəsi
06.04.2022