Mühasibat

İxtisasın adı: Mühasibat
İxtisas qrupu: II
Fakültə: Biznes və iqtisadiyyat
Təhsilin səviyyəsi: Bakalavriat
Təhsilin müddəti və forması: 4 il (8 semestr), əyani
Tədrisin dili: Azərbaycan dili, ingilis dili
Məzuna verilən ixtisas dərəcəsi: Bakalavr
Təhsil haqqı: Azərbaycan bölməsi, əyani – 2500 AZN
Təhsil haqqı: İngilis bölməsi, əyani – 2700 AZN
Bu ixtisasa qəbul həm Azərbaycan, həm də ingilis bölməsi üzrə aparılır. İngilis bölməsinə qəbul olan tələbələrin təhsil müddəti ingilis dili hazırlığı üçün 1 (bir) tədris ili ayrılmaqla 5 ildir.

Mühasibat ixtisası müəssisələrin maliyyə uçotunun aparılması, maliyyə hesabatlarının hazırlanması və vergi uçotunun təşkili sahəsində mütəxəssislər hazırlayır. İxtisasın məqsədi şirkətlərdə maliyyə menecmenti işinin təhlili, mənfəətin planlaşdırılması və ona nəzarət edilməsi, nəğd pulların idarə edilməsi, əsas maliyyə cədvəlləri, iki tərəfli qeydiyyat, aktiv öhdəlik, kapital anlayışı və qeydiyyatının aparılması yönündə bilik və bacarıqların aşılanmasıdır. Bu sahəni seçmək istəyən abituriyentlərdə diqqətlilik, dəqiqlik, analitik və riyazi düşünmə, məsuliyyət və rəqəmlərlə işləməyə marağın olması üstünlükdür.

Təhsil

Tələbələrə maliyyə uçotu, idarəetmə uçotu, audit, vergi sistemi, maliyyə hesabatları, Beynəlxalq Maliyyə Hesabatı Standartları (IFRS), iqtisadi təhlil və maliyyə nəzarəti tədris olunur.

Karyera imkanları

Məzunlar dövlət və özəl müəssisələrdə, banklarda, audit və konsaltinq şirkətlərində, vergi sahəsində və beynəlxalq şirkətlərdə mühasib, auditor, maliyyə nəzarətçisi və vergi üzrə müxtəlif vəzifələrdə çalışa bilərlər.

İxtisasın gələcəyi

Mühasibat uçotu bütün müəssisələr üçün zəruri fəaliyyət sahəsi olduğundan peşəkar mühasiblərə və auditorlara əmək bazarında daim yüksək tələbat mövcuddur.

Mühasibat ixtisasının Təhsil Proqramını BURADAN yükləyə bilərsiniz.
Mühasibat ixtisasının (Əyani) Tədris Planını BURADAN yükləyə bilərsiniz.
Mühasibat ixtisasının (Qiyabi)Tədris Planını üçün BURADAN yükləyə bilərsiniz.
Mühasibat ixtisasının Tədris Planını ingilis bölməsi üçün BURADAN yükləyə bilərsiniz.